25 वाँ छत्तीसगढ़ी साहित्य सम्मेलन संपन्न

रायपुर। प्रांतीय छत्तीसगढ़ी साहित्य समिति के 25 वाँ छत्तीसगढ़ी साहित्य सम्मेलन वृंदावन सभागार रायपुर म संपन्न होइस। ए मउका म पहिली सत्र विचार गोष्ठी म ‘‘छत्तीसगढ़ी वाचिक परंपरा – बोली ले भाषा तक’’ विषय म मंथन होइस जेमा माई पहुना डॉ. विनय कुमार पाठक कुलपति थावे विद्यापीठ गोपालगंज बिहार पूर्व अध्यक्ष छत्तीसगढ़ राजभाषा आयोग, पगरइत डॉ. जे.आर. सोनी संरक्षक प्रांतीय छत्तीसगढ़ी साहित्य समिति, खास पहुना वरिष्ठ साहित्यकार डॉ. परदेशीराम वर्मा अउ डॉ. विनोद कुमार वर्मा रहीन। नेवताय वक्ता गण वरिष्ठ साहित्यकार डॉ. सुखदेवराम साहू , श्री बलदाऊ राम साहू अउ प्रो. डॉ. चंद्रशेखर सिंह रहीन। संत्र के संचालन डॉ. राजेश कुमार मानस अउ आभार श्रीमती शकुंतला तरार करीन।

दूसर सत्र मा माई पहुना माननीय श्री बृजमोहन अग्रवाल सांसद रायपुर लोकसभा, पगरइत माननीय राजेश्री डॉ. महंत राम सुंदर दास पीठाधीश्वर श्री दूधाधारी मठ रायपुर, खास पहुना डॉ. विनय कुमार पाठक कुलपति थावे विद्यापीठ गोपालगंज बिहार पूर्व अध्यक्ष छत्तीसगढ़ राजभाषा आयोग अउ डॉ. अभिलाषा बेहार सचिव छत्तीसगढ राजभाषा आयोग रहीन।
ए मउका मा आयोजित सम्मान समारोह म छत्तीसगढ़ के पुरोधा साहित्यकार मन के सुरता मा चयनित राज्य के वरिष्ठ साहित्यकार अउ कलाकार मनन ल सम्मानित करे गइस

जेमा हरि ठाकुर सम्मान – डॉ. जे आर सोनी रायपुर, पं. अमृतलाल दुबे सम्मान – श्री बुधराम यादव बिलासपुर, सुशील यदु सम्मान- श्रीमती चमेली नेताम बस्तर,डॉ. बलदेव साव सम्मान- श्री यशवंत धोटे रायपुर, केयूर भूषण सम्मान- डॉ. आशीष नायक धमतरी, लक्ष्मण मस्तुरिया सम्मान- श्री सनत तिवारी बिलासपुर, नारायणलाल परमार सम्मान- श्री बलदाउ राम साहू दुर्ग, मिथिलेस साहू सम्मान- डॉ. जगदीश कुलदीप चकरभाठा, हेमनाथ यदु सम्मान- श्री ताम्रध्वज वर्मा खैरागढ़, राकेश सोनी स्मृति सम्मान- गुरु खुशवंत साहेब अउ श्री ओम त्रिपाठी, शिवकुमार यदु शिकुम सम्मान- डॉ. पुरुषोत्तम चंद्राकर रायपुर ले देहे गइस।

साहित्य अउ कला सम्मान डॉ. सरोज साव पिथौरा, डॉ. उग्रसेन कन्नौजे बिल्हा, डॉ. रामनारायण धुर्वे मुंगेली, श्री ईश्वर साहू बंधी, श्री भोजराज धनगर रायपुर ले पहुना मन दुआरा देहे गइस। अेखरे संग ‘स्मारिका सुरता सुशील यदु‘‘ अउ छत्तीसगढ़ी साहित्यकार मन के प्रकाशित पुस्तक के विमोचन पहुना मन दुआरा संपन्न होइस। सम्मान अउ विमोचन सत्र के संचालन समिति के अध्यक्ष श्री कान्हा कौशिक अउ केशव साहू, आभार डॉ. राघवेन्द्र दुबे करीन। एखर पाछु तीसर सत्र म कवि सम्मेलन के आयोजन होइस जेखर संचालन कवि रामानंद त्रिपाठी अउ अजय साहू अमृतांशु करीन।

ए मउका म बिलासुपर ले डॉ. विवेक तिवारी, डॉ. राघवेन्द्र दुबे, श्री विष्णु कुमार तिवारी, श्री शीतल प्रसाद पाटनवार अउ श्री रामनिहोरा राजपूत, तुलसी साहित्य समिति रायपुर ले श्रीमती अनामिका शर्मा शशी, श्रीमती अनिता झा अउ श्रीमती भारती यादव सँग प्रदेश भर के जम्मो साहित्यकार मन संघराय रहीन।
#छत्तीसगढ़ी