संवाददाता – लक्ष्मीनारायण लहरे
रायपुर। छत्तीसगढ़ के यशस्वी मुख्यमंत्री विष्णु देव साय ले सारंगढ़ परगना के मराठा समाज के मुखिया मन अपन प्रतिनिधि मन के संग सौजन्य भेंट करिन। 26 जून
रतिहा 9 बजे मुख्यमंत्री निवास म अमेठी गांव के सामाजिक सभापति, देवकुमारी लहरे के अगुवाई म मराठा समाज के लोग पहुंचिन। सबले पहिली मुख्यमंत्री ल गुलदस्ता भेंट करिन अउ कोसीर गांव के ऐतिहासिक देवी मंदिर के देवी मां कौशलेश्वरी देवी के छाया चित्र घलो देहे गिस।
अमेठी गांव बर मराठा समाज के प्रतिनिधि मन अमेठी गांव म समाज बर एक ठन सामुदायिक भवन बनवाय के मांग राखिन।
कोसीर गांव बर कोसीर के सरपंच प्रतिनिधि राजेंद्र राव ह गांव म मिनी स्टेडियम अउ गौरव पथ बनवाय के मांग पत्र मुख्यमंत्री ल सौंपिन।
सौजन्य भेंट करे बर मराठा समाज के मुखिया शंभू राव (सभापति), दिलीप सिंधिया (अमुरा छेत्र अध्यक्ष), जय शिंग राव, राजेंद्र राव, गोविन्द राव, मनोज राव, धनु राव, शिव कुर्रे अउ महेंद्र लहरे उपस्थित रहिन।
मुख्यमंत्री ह सबो मांग मन ल ध्यान से सुनिन अउ उचित कार्रवाई के भरोसा दिलाइन। मराठा समाज के लोगन मन मुख्यमंत्री ल समय देहे बर धन्यवाद दीन।
